” لو كنت شغال فى مغسلة، هابقى عايز أسرق بنك، ولو كنت شغال فى بنك هابقى عايز أسرق ملابس”
Jarod Kintz
تتميز السرقة فى مصر دونا عن باقى بلاد الدنيا بالمهارة والحرفية … وتتميز أيضاً بالتخصص، يعنى أن هناك متخصص سرقة أحذية المسجد، ومتخصص سرقة موبايلات، ومتخصص سرقة شقق، ومتخصص سرقة سيارات، ومتخصص سرقة أعضاء بشرية، ومتخصص أطفال، ومتخصص أراضى، ومتخصص آثار .. إلخ ومن أهم ما يميز الحرامية فى مصر : التنوع الثقافى والعدالة الاجتماعية … بمعنى أنه لا أحد كبير على السرقة لأن الحرامية منتشرين فى كافة الطبقات الاجتماعية بكثافة … ……………………………………………………………………………………………………………..
” طالما محدش مسكك … كل اللى سرقته حقك ”
دانيال نيرى “الشعبى” .. فى Another Faust ……………………………………………………………………………………………………………..
أول يوم دراسة، خلصت المحاضرات ورحت عشان أركب المواصلات، كانت زحمة كأن الجامعة كلها خرجت فى نفس الوقت ده، أول ما وصل الميكروباص اللى المفروض أركبه، اتجمع حواليه الناس، وبدأ التزاحم على مين اللى هيركب، بعد حرب قصيرة الأمد وصلت للكرسى، واتحرك الميكروباص، بس الموبايل ما كانش فى جيبى … …………………………………………………………………………………………………………….
. – انت طول عمرك كنت كده ؟
– أنا عمرى ما كنت كده
*صمت *
– سؤال صعب للدرجادى
– انا كنت واحد بيعيش اليوم بيومه، مفيش أى حاجة فارقة معاه، باقضيها وخلاص، باقولك هوه لو واحد قابل حد خلاه يحب الدنيا ويتغير، لازم يحكيله كل اللى فات ولا من ساعت ما عرفه بس …
– من ساعت ما عرفه أهم، بس يعنى ..
“حوار حرامى مع هبلة .. فيلم حرامية فى كى جى تو”
